Axir, yer yuzida aylanib yurmaydilarmi, toki qalblar ila aql yuritsalar, quloqlari ila eshitsalar. Zero, ko`zlar ko`r bo`lmas, siynalardagi qalblar ko`r bo`lur. Haj 22:46 ⧉
Tafsir:
Anavi Paygʻambar alayhissalomni yolgʻonchiga chiqarayotganlar yer yuzini kezmaydilarmi? Oʻshanda halokatga uchragan qishloqlarni oʻz koʻzlari bilan koʻrib, fikr qilarmidilar? Ularning qissalarini eshitib, ibrat olarmidilar? Zero, koʻrlik bu koʻzning koʻrligi emas, koʻngilning koʻrligidir. Chunki koʻngil koʻzi koʻr odam ibrat olmaydi, nasihatga quloq solmaydi.