Ey, iymon keltirganlar! Sabr qiling. Sabr ila g`olib keling. Kurashga bel bog`lab turing. Allohga taqvo qiling. Shoyadki, yutuqqa erishsangiz. Oli Imron 3:200 ⧉
Tafsir:
Ey Allohga iymon keltirgan va paygʻambariga ergashganlar, shariat yuklagan vazifalarga ham, dunyoviy musibatlarga ham sabr qilingiz. Sabr qilish borasida kofirlardan gʻolib boʻlingiz. Ularning sabri siznikidan ortiq boʻlmasin. Allohning yoʻlida jihod qilishga doim shay turingiz. Allohdan buyruqlarini bajarish va taqiqlaridan tiyilish bilan taqvo qilingiz. Shoyadki, shunda orzu-umidingizga erishib, doʻzaxdan salomat boʻlib, jannatga kirsangizlar.