Ey, ahli kitoblar, nimaga Ibrohim haqida talashasizlar. Holbuki, Tavrot ham, Injil ham undan keyin tushgan-ku! Aql yuritmaysizlarmi?! Oli Imron 3:65 ⧉
Tafsir:
Ey ahli kitob, nima uchun Ibrohim alayhissalomning qaysi dinda boʻlgani haqida talashib-tortishasizlar? Yahudiylar uni yahudiy boʻlgan, desalar, nasroniylar nasroniy boʻlgan, deydilar. Holbuki, yahudiylik ham, nasroniylik ham Ibrohim alayhissalom vafotidan ancha keyin paydo boʻlganini juda yaxshi bilasizlar. Nahotki, gapingiz nohaqligi va davoyingiz puchligiga aqlingiz yetmayotgan boʻlsa?!