Ular baxillik qiladigan, odamlarni baxillikka buyuradigan va Alloh ularga O`z fazlidan bergan narsalarni berkitadiganlardir. Va kofirlarga xorlovchi azobni tayyorlaganmiz. Niso 4:37 ⧉
Tafsir:
Alloh kimlarni yoqtirmaydi? Oʻzlari ham Alloh bergan rizqdan infoq-ehson qilib, boʻynidagi burchini ado etmaydigan, oʻzgalarni ham shunday qilishga chorlaydigan, Alloh Oʻz fazlu marhamati ila ato etgan mol-davlat, ilm va boshqa nematlarni yashiradigan, odamlarga haqiqatni aytmasdan, botilni haq qilib koʻrsatadigan kimsalarni yoqtirmaydi. Bu xislatlar kufrga xos xislatlardir. Biz kofirlarga xor qiluvchi azobni tayyorlab qoʻyganmiz.