Ular mollarini kishilar ko`rishi uchun sarflarlar. Hamda Allohga va qiyomat kuniga iymon keltirmaslar. Kimning yaqini shayton bo`lsa, u qanday ham yomon yaqin! An-Nisa 4:38 ⧉
Tafsir:
Mollarini odamlar koʻrsin deb, ulardan maqtov eshitish uchun sarflaydigan, aslida esa oʻzlari Allohga ham, oxiratga ham ishonmaydigan kimsalar uchun ham xor qiluvchi azobni tayyorlab qoʻyganmiz. Ular shaytonga ergashganlari tufayli yoʻldan ozganlar. Kim shaytonga doʻst boʻlsa, sharmandai-sharmisor boʻladi. Shayton eng yomon doʻstdir.