U, subhni yoritguvchi Zotdir. U, tunni sukunat, quyosh va oyni hisob qilib qo`ydi. Bu esa, g`olib va yaxshi bilguvchi Zotning o`lchovidir. An'om 6:96 ⧉
Tafsir:
Alloh subhonahu kechani yorib, undan kunduzini chiqardi. Tiriklik koʻyida yurib charchagan tana xordiq chiqarishi uchun tunni oromgoh qilib berdi. Quyosh va oyni muayyan hisob bilan yuradigan qilib qoʻydi. Mana shu gʻaroyib ishlarning hammasi barchadan Gʻolib, Aziz Zotning, Oʻzi yaratgan maxluqotlarni ham, ular uchun nima yaxshi boʻlishini ham juda yaxshi biladigan Zotning sanatidir.