U sizlarni bir jondan yaratgan Zotdir. Bas, u (jon) qaror topadigan joy(ona rahmi)da yoki saqlab qo`yiladigan joy (ota sulbi)dadir. Yaxshi anglaydiganlar uchun oyat-belgilarni batafsil qilib qo`yganmiz. An'om 6:98 ⧉
Tafsir:
Alloh subhonahu sizlarni bir jondan - otangiz Odamdan yaratdi. Dastlab otangizni loydan yaratdi. Sizlarni esa otangizdan yaratdi. Sizlarga ona qornini qarorgoh, ota pushtini esa omonat turar joy qildi. Biz oyatlarni Allohning kalomini tushunadigan, anglaydigan qavm uchun bayon qildik.