Bas, uni yolg`onchiga chiqardilar. So`ng, Biz uni va u bilan birga bo`lganlarni kemada qutqardik va oyatlarimizni yolg`onga chiqarganlarni g`arq qildik. Chunki, ular ko`r qavm edilar. A'rof 7:64 ⧉
Tafsir:
Qavmi unga iymon keltirmadi. Uni yolgʻonchiga chiqardi. Oʻzlarining kufru zalolatida davom etaverdi. Shunda Nuh ularni halok qilishini soʻrab, Allohga duo qildi. Bas, Biz uning oʻzini va u bilan birga boʻlgan moʻminlarni gʻarq boʻlishdan asradik. Oyatlarimizni yolgʻonga chiqarganlarni esa jazolab, toʻfonga gʻarq qildik. Ularni qalbi koʻr edi. Haqni koʻrmas edi.