Har ko`chada o`tirib olib qo`rqitmang. Allohning yo`lidan Unga iymon keltirganlarni to`smang va u(yo`l)ning egri bo`lishini istamang. Oz bo`lgan chog`ingizda sizni ko`paytirib qo`yganini eslang. Buzg`unchilarning oqibati qanday bo`lganiga nazar soling. A'rof 7:86 ⧉
Tafsir:
Har koʻchaning boshida turib olib, oʻtgan-ketganlarning mol-davlatini talon-taroj qilmangiz, Allohning yoʻliga yurmoqchi boʻlganlarning yoʻlini toʻsmangiz. Maqsadingiz Allohning yoʻlini ogʻir qilib koʻrsatib, odamlarni undan bezdirish boʻlmasin. Allohning nematini eslab, U Zotga shukr qilingiz. Oz sonli odamlar edingiz, Alloh sizlarni koʻpaytirdi. Oldingi buzgʻunchilarning oqibati haqida fikr yuritingiz. Axir ularning oqibati halokat va xarobalik boʻlmaganmidi?!