Albatta, kufr keltirganlar mollarini Allohning yo`lidan to`sish uchun sarflarlar. Bas, ularni sarflarlar-u, so`ngra, o`zlariga hasrat bo`ladir, keyin mag`lub bo`lurlar. Kufr keltirganlar jahannamga to`planurlar. Al-Anfal 8:36 ⧉
Tafsir:
Allohga kufr keltirgan kimsalar mol-dunyolarini Allohning dinidan toʻsish uchun sarflaydilar. Sarflashga-sarflayveradilar-u, lekin maqsadlariga erisha olmaydilar. Maqsad hosil boʻlmaganidan keyin bu ishlarining oqibati nadomat boʻladi. Undan soʻng esa moʻminlardan magʻlub boʻlurlar. Allohga kufr keltirgan kimsalar Qiyomat kunida jahannamga haydab borilurlar va u yerda abadiy qolurlar.