Kufr keltirganlarga ayt, agar to`xtasalar, o`tgan narsalar mag`firat qilinur va agar qaytadigan bo`lsalar, bas, batahqiq, avvalgilarning sunnati o`tgan. Al-Anfal 8:38 ⧉
Tafsir:
Ey Paygʻambar, Allohga va Paygʻambariga kufr keltirganlarga ayting: "Agar ular Allohga va Paygʻambariga kufr keltirishdan, odamlarni Allohning yoʻlidan toʻsishdan tiyilsalar, Alloh oʻtgan gunohlarini kechirur. Zero, Islom oʻzidan avval boʻlgan ishlarni oʻchirur. Agar ular yana kofirliklariga qaytsalar, oldingi zamonlarda bunday paytlarda Allohning qonuniyati nimani taqozo qilar edi, shu haqda oʻylab koʻrsinlar. Oldingilar haqni yolgʻonga chiqarib, kofirliklarida davom etaverishgach, ularga shu dunyoning oʻzida azob kelmaganmidi?!