Kufr keltirganlarga bu dunyo hayoti ziynatlandi va ular iymon keltirganlarni masxara qilurlar. Va holbuki, qiyomat kuni taqvo qilganlar ulardan ustundir. Alloh kimni xohlasa, behisob rizq berur. Al-Baqarah 2:212 ⧉
Tafsir:
Allohga kufr keltirganlarning koʻziga bu dunyo hayoti va undagi oʻtkinchi lazzatlar chiroyli koʻrinadi, ohanrabodek oʻziga tortadi. Ular Allohga va oxirat kuniga iymon keltirganlarni masxara qiladilar. Allohning buyruqlarini bajarib, taqiqlaridan tiyilgan taqvodorlarning martabalari esa oxiratda ulardan baland boʻladi. Zero, Alloh ularni Adn jannatlariga kiritadi. Alloh Oʻzi istagan bandasiga behisob nematlar ato etadi.