Seni, albatta, ularning aytayotganlari xafa qilishini yaxshi bilamiz. Ular seni yolg`onchiga chiqarayotganlari yo`q, balki zolimlar Allohning oyatlarini inkor qilmoqdalar. An'om 6:33 ⧉
Tafsir:
Ey Paygʻambar, zohirda ular sizni yolgʻonchiga chiqarayotgandek koʻrinadilar va bu narsa sizni xafa qilayotganini yaxshi bilamiz. Bilingki, aslida ular sizni yolgʻonchiga chiqarayotganlari yoʻq. Chunki sizning rostgoʻy va omonatga xiyonat qilmaydigan halol odam ekaningizni juda yaxshi biladilar. Lekin ular zolimlardirki, ichlarida sizga ishonsalar ham zohirda inkor qilaveradilar.